(Amas, Kidapawan City/ April 27, 2015) ---Libu-libong
mga miyembro ng Moro Islamic Liberation Front o MILF ang nagsagawa ng Pro-BBL
Rally sa harap ng Cotabato Provincial Capitol sa Brgy. Amas, Kidapawan city
nitong Sabado.
Ayon kay P/SSupt. Danilo Peralta, ang
Provincial Director ng Cotabato Police Provincial Office na kanyang kinausap
ang mga leaders ng grupo na magsagawa sana ng mass action na walang permit kaya
napagkasunduan ng mga ito na umalis na lamang.
Ang mga nag-poprotesta ay dumating sa harap
ng gate ng capitol compound lulan ng daan-daang mga sasakyan at mga motorsiklo.
Napag-alaman na buhat sa bayan ng Tulunan,
Mlang, Matalam, Kabacan, Carmen, Pikit, Midsayap at sa ilan pang lugar sa
lalawigan.
Karamihan din sa mga ito ay galing din sa
Maguindanao.
Alas 7:00 pa ng umaga noong Sabado ay
nagtipon na ang mga residente ng Datu Piang at mga Moro-dominated na barangay
sa Midsayap sa Poblacion ng Midsayap para sa nasabing caravan.
Bitbit ng mga ito ang Cartolina at mga
placards at nagsuot ng armbands na may initial na “BBL”. Rhoderick Beñez
0 comments:
Mag-post ng isang Komento