By: Mark
Anthony Pispis
(Pikit, North Cotabato/ May 7, 2015)
---Tukoy na ng Pikit PNP ang mga responsable sa pagbaril-patay sa dalawang
kalalakihan sa panulukan ng Brgy. Tinibtiban, Pikit, Cotabato alas 2:25
kamakalawa ng hapon.
Ito ayon kay PI
Sindatu Karim sa panayam ng DXVL News.
Anya, hindi muna
pwedeng isapubliko ang pagkakakilalanlan ng mga ito upang proteksyonan ang
kanilang ginagawang imbestigasyon.
Kinilala nito ang
mga biktima na sina Romnick Cajeben at isang Making Oresco nasa tamang edad at
residente ng Brgy. San Mateo sa bayan ng Aleosan.
Sa inisyal na
imbestigasyon, papalabas na umano mula sa nasabing barangay ang mga biktima
sakay sa isang Kawasaki CT 100 na motorsiklo, kulay itim na may plakang 9159 QM
nang pagbabarilin ng riding tandem na nakasunod sa kanila.
Tama ng bala sa ulo
sa dalawang mga biktima mula sa kalibre 45 na pistola ang nagresulta sa agarang
kamatayan ng mga ito.
Tinangay pa umano ng
mga suspek ang motorsiklo ng mga biktima.
Matapos
maisakatuparan ang masamang balakin ay agad tumakas ang mga suspek sa di pa
matukoy na direksiyon.
Narekober sa crime
scene ang apat na basyo ng mga bala.
Malaki ang
paniniwala ng Pikit PNP na may kinalaman sa druga ang nasabing pamamaril dahil
sa nakarating sa kanila na impormasyon na nasa watchlist ng Aleosan MPS ang mga
biktima.
0 comments:
Mag-post ng isang Komento