By:
Mark Anthony Pispis
(Kabacan, North Cotabato/ May 5, 2015)
---Hindi pa makumpirma ng pamunuan ng AFP kung anu ang dahilan at kung sino
talaga ang pumatay sa teroristang si Abdul Basit Usman.
Ayon kay 6th ID DPAO Chief
Capt. Jo-ann Petinglay sa panayam ng DXVL News, kinumpirma nito na kahit ang
pamunuan ng AFP ay nakakuha rin ng litrato ng patay na katawan ni Usman.
Aniya, bagamat inako ng MILF na isa sa
mga kumander nila ang nakapatay sa notoryos na terorista ay hindi pa umano sila
makapagbibigay ng opisyal na pahayag mula sa kanilang panig.
Dagdag pa ng opisyal na hindi naman
nila binabaliwala na posibleng ang mga efforts ng AFP at PNP ang dahilan ng
pagkamatay nito dahil hindi naman lingid sa kaalaman ng lahat na isa si Usman
sa mga target nila sa ginawang All-out-offensive nitong nakaraang mga buwan.
Nabatid rin mula sa opisyal na bago
paman napaslang si Usman ay meroon umanong namamataang 7-8 indibidwal na kasama
ito na posibleng maging tagasunod nito.
Subalit, ang iilan sa mga ito ay
nalagas rin sa nasabing insidente kamakalawa.
Hindi nila binabaliwala ng opisyal
ang posibilidad na magkakaroon ng retaliation ang nasabing grupo at nakahanda
naman sila rito.
Kung sino man ang nakapatay umano sa
teroristang si usman ay ipagpasalamat nalang umano at napaslang ito at hindi na
makapaghahasik pa ng lagim.
0 comments:
Mag-post ng isang Komento