by: Mark Anthony Pispis
(Kabacan,
North Cotabato/ May 6, 2015) ---Kasalukuyan ngayong ipinapatupad ng Brgy.
Council ng Brgy. Poblacion sa bayan ng Kabacan ang libreng pamimigay ng mga
materyales at libreng pagpapakabit ng mga ilaw sa mga bahay na malapit sa mga
kalye ng barangay.
Ayon
kay Brgy. Poblacion Kapitan Mike Remulta sa panayam ng DXVL News, ang mga
materyales na ito na libre nang ibibigay nila ay ang bulb at wires pati ang
pagpapakabit nito.
Dagdag
pa ng opisyal na sila na ang magkakabit nito direkta sa metrohan ng sinumang
mga residente na nagnanais magpakabit.
Sa
katunayan ay abot na sa 74 na residente ng
Brgy. Poblacion Kabacan ang nag request na magpakabit ng mga ilaw sa
harapan ng kanilang bahay.
Anya
ito ang kanilang nakitang solusyon habang hindi pa naibabalik ang mga Street
Lights sa bayan na naputulan ng linya dahil sa utang.
Dagdag
pa ng opisyal na nasa 23 watts umano ang naturang bulb at ang aakuin na lamang
umano ng residente ay ang electric bill sa bulb na abot lamang umano sa bente
singko hanggang trenta pesos bawat buwan.
Hindi
naman ito gaanong kabigatan dagdag pa niya. Nanawagan din si Kapitan Remulta
para sa mga interesado pang residente.
0 comments:
Mag-post ng isang Komento