by: Rhoderick Beñez
(Kabacan, North Cotabato/ May 9, 2015) ---Pinabulagta
ng riding tandem assassins ang dating Punong Barangay sa panibagong krimen na
naganap sa Brgy. Aringay, Kabacan, North Cotabato alas 3:15 kahapon ng hapon.
Sa panayam ng DXVL News kay PSI Ronnie
Cordero, OIC-Kabacan PNP kinilala ang biktima na si Ricardo Lachica, nasa tamang
edad, may asawa, magsasaka at residente ng Brgy. Osias ng nabanggit na bayan.
Napag-alaman na ang biktima ay dating punong barangay ng Lower Paatan dito sa bayan ng Kabacan.
Batay sa inisyal na pagsisiyasat, sakay si
Lachica sa kanyang motorsiklo ng tabihan ng riding tandem at pagbabarilin ng
malapitan.
Patay on the spot ang biktima makaraang
magtamo ng tama ng bala sa iba’t-ibang bahagi ng kanyang katawan.
Mabilis na tumakas ang mga suspek lulan ng
kulay itim na Kawasaki Rouser.
Narekober sa pinangyarihan ng insidente ang
7 bala ng kalibre .45, 4 na piraso na bala ng 9mm.
Sa ngayon patuloy na tinutugis ng mga
kapulisan ang suspek habang inaalam ang motibo sa nasabing insidente.
0 comments:
Mag-post ng isang Komento