By: Rhoderick Beñez
(Amas, Kidapawan city/ May 4,
2015) ---Matagal na umanong pangarap ng 20-anyos na “Reyna ng Aliwan 2015” ang
makasali sa mga beauty contest.
Ito ang sinabi sa DXVL News ni Stephanie Joy Abellanida matapos na humarap ito
sa mga empleyado ng Kapitolyo, publiko at sa media sa pagpapakilala sa kanya sa
Provincial Capitol, kaninang umaga.
Aniya “Being a Beauty Queen is really part of my dream”, wika pa
ng Beauty Queen titlist.
Pinasalamatan din nito ang mga taong tumulak sa kanya upang
ipursige ang kanyang pangarap.
Kanya ring pinasalamatan ang provincial government sa pamumuno ni
Gov. Lala Talino Mendoza at ang lahat ng sumuporta sa kanya.
Matatandaan na naiuwi ni Abellanida ang Korona bilang Reyna ng Aliwan
2015 sa katatapos lamang na Aliwan Festival 2015 sa Aliw Theatre, Star City
Complex, Pasay City, noong April 25, 2015.
Tinalo ni Abellanida ang
20 iba pang naggagandahang dilag mula sa iba’t-ibang lalawigan at tumanggap ng
halagang P100,000 bilang gantimpala.
Bitbit ng dalaga ang
Halad Festival ng Midsayap na ginaganap sa Enero ng bawat taon.
Naging 2nd Runner
Up ng Search for the Mutya ng Cotabato 2014 Centennial Queen si Abellanida bago
ito sumabak at nagwagi sa Reyna ng Aliwan 2015.
0 comments:
Mag-post ng isang Komento