By: Christine Limos
(Kabacan,
North Cotabato/ May 4, 2015) ---Nagbigay ng pahayag ang Department of
Agriculture Region 12 hinggil sa kilos protesta ng mga magsasaka ng goma sa Makilala, North Cotabato nitong Mayo a-1.
Sa
panayam ng DXVL news inihayag ni DA 12 Regional Executive Director Amalia Jayag
Datucan na ang presyo ng goma ay sumusunod sa presyo ng world market.
Aniya,
naging isyu din ang quality o ka-lidad ng goma sa Region 12 kung kaya’t nakipag
ugnayan na sila sa TESDA upang mabigyan ng skills training para sa magandang
pagta-tapping ng goma at magkaroon ng magandang produkto, maging skilled farmer
at magkaroon ng magandang swelduhan bawat araw.
May schedule na rin umano ng
certification mula sa TESDA.
Ipinaliwanag
din ni Regional Director Datucan na bukas ang ahensiya sa mga proposal at
livelihood program na gusto ng mga magsasaka na ipatupad ng Department of
Agriculture ngunit kailangan umano ay malaman ng ahensya kung anong asosasyon
sila at taga saan.
Payo pa ni Director Datucan na mag grupo ang mga magsasaka upang kaya
silang abutin ng ahensya.
Hindi
umano kayang kontrolin ng Pilipinas na babaan o itaas ang presyo ng goma kung
kaya’t ang laban umano ng mga magsasaka ay magandang kalidad ng goma, pwdeng
i-hold muna ang goma at hintayin na tumaas ang presyo.
Maaari din umanong
maghanap ng alternatibong mapagkukunan ng ibang kabuhayan ang mga magsasaka. Rhoderick Beñez
0 comments:
Mag-post ng isang Komento