by: Jimmy sta. Cruz
(AMAS, Kidapawan City/ May 10, 2015) - Dahil sa ipinakitang husay, nakamit ng
Region 12 o SOCCSKSARGEN delegation ang ika-walong puwesto o rank 8 sa
katatapos lamang na Palarong Pambansa 2015 sa Mankilam, Tagum City, Davao del
Sur kahapon.
 |
Photo: Benjie Caballero |
Nasungkit ng Region 12 ang kabuuang 65 medals sa palaro na nagsimula noong May 3-hanggang May 9, 2015.
Sa 65 na medalya 13 dito ay gold sa table tennis, taekwondo at lawn tennis; 24 ang silver sa table tennis, taekwondo at swimming at 28 ang bronze sa softball, lawn tennis at badminton.
Namukod-tangi ang mga manlalaro mula sa Cotabato Province kung saan nagwagi sa ilang mga pangunahing regular sports ng Palarong Pambansa 2015.
Kabilang
rito ay ang mga players ng table tennis doubles – girls na sina Ypriel Jane B.
Luna at Chrisien Mae N. Santillan ng Kimadzil Elementary School, Carmen,
Cotabato kung saan tinalo nila ang iba pang mahuhusay na atleta mula sa
iba’t-ibang rehiyon. Abot naman sa 17 ang kabuuang bilang ng mga rehiyon na lumahok sa palaro.
Rank 1 ang
National Capital Region Athletic Association o NCRAA na may 98 gold, 67 silver
at 71 bronze medals; Rank 2 ang Region 4-A STCAA na may 51 gold, 41 silver at
49 bronze medals at rank 3 ang Region VI WVRAA na may 42 gold, 48 silver at 41
bronze medals.
Sa panayam
ng Aksiyon Serbisyong Totoo radio program ng Provincial Government of Cotabato
kay DepEd Cot Schools Division Supt. Omar Obas, sinabi nitong inspirado ang mga
manlalaro ng Region 12 lalo na ang delegado mula sa Cotabato Province.
Ito ay
dahil sa disiplina, tiwala sa sarili at maayos na kooperasyon at koordinasyon
sa pagitan ng mga manlalaro at kanilang mga teacher-coaches at ganundin sa
pagitan ng DepEd at ng Provincial Government of Cot.Ayon kay Obas, malaki ang nagawa ng ibayong suportang ipinagkaloob ni Gov Emmylou “Lala” J. Taliño-Mendoza sa mga atleta ng Cotabato Province kaya inspirado at determinado ang mga ito na maiuwi ang tagumpay sa lalawigan.
Para naman
kay Gov Emmylou “Lala” J. Taliño-Mendoza, ang tagumpay na nakamit ng Region 12
ay dahil sa pagkakaisa at pagkakaunawaan ng mga atleta mula sa iba’t-ibang
probinsiya at sa nakakaisang layunin na makamit ang tagumpay.Pinasalamatan ng gobernadora ang mga manlalaro ng Cotabato Province at tiniyak ang patuloy na suporta sa susunod pang mga taon.
Ayon pa sa gobernadora, tuluy-tuloy ang pagsisikap ng mga provincial officials upang mabago ang imahe ng Cotabato Province mula sa isang conflict area tungo sa isang mapayapa at maunlad na lalawigan.
Patunay
rito aniya ay ang mga tagumpay na iniuwi nina Bb. Pilipinas-Universe 2014 ar
Miss Universe Top 10 finalists na si Mary Jean “MJ” Lastimosa na tubong
Barangay Sibsib, Tulunan, Cotabato; Reyna ng Aliwan 2015 Festival Queen
Stephanie Joy Abellanida na tubong Pigcawayan ay representante ng Midsayap
Halad Festival sa katatapos lamang na Aliwan Festival 2015 sa Pasay City at
Miss Tourism International 2014 Jedaver Pancho Opingo ng Midsayap, Cotabato na
ngayon ay nasa Italy para sa gagawing Miss Progress International Pageant 2015.
Pinuri din ni Gov. Taliño-Mendoza ang Tribung Kalivungan ng Midsayap Dilangalen National High School na nagwagi bilang 5th Runner-Up sa Aliwan Festival 2015-Grand Parade na matapos magpakita ang ibayong husay ay nag-uwi ng karangalan sa Cotabato Province.
Lahat ng ito ayon pa sa gobernadora ay
patunay na patuloy sa pagsulong at pag-angat ang lalawigan ng Cotabato sa
larangan ng sports, culture, academics at iba pa at nakikilala na bilang
maunlad at mapayapang lalawigan. (JIMMY
STA. CRUZ-PGO Media Center)
0 comments:
Mag-post ng isang Komento