(Cotabato city/ June 17, 2014) ---Kusang nagpasalubong
kay kamatayan ang isang 34-anyos na police matapos barilin ang kanyang sarili
sa loob ng comfort room sa Cotabato airport kahapon ng umaga.
Kinilala ni Police Senior Inspector Eugene
Balugo ang biktima na si Police Officer 1 Richard Batulio Cruz residente ng
Bukana, Cotabato City.
Ayon kay Balugo nakatalaga bilang police si
Cruz sa General Santos City airport at kahapon alas sais ng gabi lamang
dumating sa lungsod at dumiretso na sa Cotabato airport.
Hindi pa mabatid kung ano nga ba ang
pinagdadaanan ng biktima dahil matapos makasama ang kanyang kapatid na babae
nagkulong na sa comfort room simula alas 2:00 ng madaling araw.
Sinabi ni Balugo na nakausap pa niya si Cruz
peru parang malabo na ang tinig nito.
Paliwanag ng opisyal, hindi na nila ginawang
sirain ang pinto ng CR dahil hindi naman nila alam na magpapakamatay ang
biktima.
Pasado alas 7:00 ng umaga ng barilin ni
Richard ang kanyang sarili na ayon sa report ng SOCO nasa kaliwang bahagi ng
kanyang ulo ang tama nito at naiwan pa sa loob ang bala na ginamit nito.
Sa ngayon patuloy pang iniimbestigahan ng
mga otoridad ang insedente habang kinukunan naman ng mga impormasyon ang
kanyang pamilya sa posibleng dahilan ng pagpapakamatay ng biktima. Krezel Dianne Sampani DXVL News
0 comments:
Mag-post ng isang Komento