(South Cotabato/ June 20, 2014) ---Napatay
ang 69-anyos na lolo matapos ratratin ng karelasyon ng kanyang kinakasamang
babae sa Sitio Imbong, Brgy. Lam Apos sa bayan ng Banga, South Cotabato
kamakalawa.
Kinilala ng pulisya ang napaslang na si
Eduardo Maghari Nobleza ng Barangay Lamsugod, Surallah habang pinaghahanap
naman ng pulisya ang suspek na si Jerson Malayang Kendo, 29, B’laan Tribe at
nakatira sa Brgy. Datal Blao, bayan ng Colombio, Sultan Kudarat.
Sa inisyal na imbestigasyon ng pulisya,
nagtungo ang biktima sa tanggapan ng Lupong Tagapamayapa kasama ang kanyang
ka-live-in na si Jovelyn Banday para ayusin ang settlement case sa paghihiwalay
ng dalawa.
Ang nasabing settlement case ay may
kaugnayan sa pakikipaghiwalay ng biktima kay Banday kung saan ibabalik ng
pamilya ng babae ang dowry na P6,000.
Matapos ang settlement, lumabas na ang
biktima ng Sitio Hall kung saan inakbayan naman ng suspek habang tinututukan ng
baril.
Habang naglalakad sa kahabaan ng kalsada ay
binaril ito ng ilang beses hanggang sa mapatay ng suspek.
Nabatid na karelasyon ng suspek ang
ka-live-in ng biktima. Rhoderick Beñez
0 comments:
Mag-post ng isang Komento