(South Cotabato/ June 20, 2014) ---Pinabulagta
ang manager ng lokal na sangay ng Pepsi Cola Company makaraang pagbabarilin
ng riding-in-tandem gunmen sa Purok San
Roque, Brgy. Labangal sa General Santos City, South Cotabato kamakalawa.
Kinilala ng pulisya ang biktima na si Rey Carba na naka-assign sa
bayan ng Tacurong, Sultan Kudarat at dumalo lamang sa pagpupulong ng kanilang
kompanya sa nasabing lungsod.
Wasak ang salamin ng driver’s side kung saan
naka-seat belt pa ang duguang biktima at umaandar pa ang makina ng kotse nang
madatnan ng mga operatiba ng pulisya.
Ayon sa mga nakasaksi sa pananambang, kulay
pulang motorsiklo na lulan ang dalawang di-kilalang lalaki rumatrat sa Toyota
Vios ng biktima pagsapit sa nasabing lugar.
Sinasabing nag-remit umano ng malaking
halaga ang biktima sa kanilang planta sa Purok San Roque kasama ang kanyang
asawa bago naghiwalay ang mga ito dahil unang umuwi ang babae gamit ang
sariling kotse.
Narekober sa crime scene ang 10 basyo ng
bala ng cal. 9mm pistol habang patuloy naman ang imbestigasyon. Rhoderick Beñez
0 comments:
Mag-post ng isang Komento