(Kabacan, North Cotabato/ June 19, 2014) ---Tiniyak
ni Kabacan Mayor Herlo Guzman Jr., na nasa mabuti ng kalagayan ang mga menor de
edad na nahuling sangkot sa pagtutulak ng illegal na droga, ito makaraang nasa
kutodiya na ito ng Pamahalaang Lokal ng Kabacan.
Ayon sa alkalde nakakalarma na ang nasabing
sitwasyon dahil sa ginagamit na rin ngayon ng ilang mga sindikato ang mga bata
sa kanilang illegal na gawain.
Dahil dito agad na inatasan ni Mayor Guzman
ang Municipal Social Welfare and Development Office na tutukan ang nasabing
kaso.
Kahapon, isinailalaim na sa debriefing ang
mga bata.
Iginiit naman ng punong ehekutibo na
tiyaking makabalik sa pag-aaral ang mga bata at tutulungan ito ng LGU Kabacan.
Samantala tahasang isinisi naman ng Alkalde
ang batas na isinulong ni Senador Kiko Pangilinan hinggil sa Juvenile law makaraang
nasasangkot ang mga kabataan sa iba’t-ibang krimen.
"Hindi naman umano naaangkop ang
naturang batas sa bansang Pilipinas na di kagaya sa Estados Unidos na ang
gobyerno ang tumutulong sa mga kabataan" dagdag pa ng alkalde. Rhoderick
Beñez
0 comments:
Mag-post ng isang Komento