(Kabacan, North Cotabato/ June 16, 2014)
---Bulagta at naliligo sa sariling dugo ang isang Indian National makaraang
ratratin ng bala ng tatlong mga armadong kalalakihan sa kurbadang bahagi ng
Brgy. Kayaga, Kabacan, Cotabato alas 12:25 ng tanghali kanina.
Kinilala ni Supt. Jordine Maribojo, hepe ng
Kabacan PNP ang biktima na si Surinder Singh, isang Indian National at may
local address sa Apo Sandawa Subdivision, Kidapawan City.
Ang biktima ay sangkot sa money lending
business o nagpapa-five six ng barilin ng tatlong mga suspek sa Brgy. Kayaga.
Pupunta sana ang Bombay sa kanyang kliyente
na si Tarhata Musa ng barilin ng mga suspek.
Nagtamo ang biktima ng ibat-ibang tama ng
bala sa iba’t-ibang parte ng kanyang katawan na naging dahilan ng agaran nitong
kamatayan.
Narekober sa crime scene ang ilang basyo ng
kalibre .45 na pistol.
Malaki ang paniniwala ni Supt. Maribojo na
agaw motorsiklo ang motibo makaraang tangayin ng tatlong mga suspek ang kanyang
sasakyan at tumakas sa bahagi ng Brgy. Magatos.
Aminado si Col. Maribojo na maluwag ang
ipinapatupad kasing seguridad sa brgy. Kayaga dahilan para maglatag sila ng
security measure ngayong araw kasama ang punong brgy. ng Kayaga. Rhoderick
Beñez
0 comments:
Mag-post ng isang Komento