(North Cotabato/ June 18, 2014) ---Tatlo
katao ang naiulat na napatay sa nangyaring pamamaril sa Barangay Datal Dlanag
sa bayan ng T'boli sa lalawigan ng South Cotabato pasado alas-10:00 kagabi.
Sa isang phone interview sinabi ni Mayor
Dibu Tuan na mga bandidong grupo na pinamumunuan ni Jerry Piang ang sumalakay
sa bunkhouse ng mga construction workers sa isang kompanya at walang abu-abong
pinagbabaril ang mga trabahante.
Patay on the spot ang biktimang kinilalang
si Alvin Sumiri na nagtamo ng tama ng bala sa kanyang dibdib at ulo habang
ginagamot naman sa South Cotabato Provincial Hospital si Jhonny Zapanta na
tinamaan sa tagiliran makaraang pinagbabaril ni Piang gamit ang garand rifle.
Ipinahayag ni Michael Agpas, kasamahan ng
mga biktima na natutulog sila ng nangyaring pamamaril at maswerte na hindi ito
tinamaan gayundin ang mga guwardiya ng kompanya.
Aniya, pinaghahanap diumano ni Piang ang
kanyang asawa sa kanilang bunkhouse.
Kinukumpirma pa ng mga pulis ang ulat na
binaril-patay rin diumano ng suspek ang asawa't anak ng madatnan sa kanilang
bahay.
Selos diumano ang pinag-ugatan ng pag-amok
ni Piang.
Sa ngayon patuloy pa ang paghahanap sa
nasabing suspek. Rhoderick Beñez
0 comments:
Mag-post ng isang Komento