(Kabacan, North Cotabato/ June 16, 2014) ---Nakaamba na
ring tumaas ang presyo ng bigas sa Kabacan, Cotabato kasunod ng naging pahayag
ng National Food Authority (NFA) sa
pamamagitan ni NFA Director for Public Affairs Rex Estoperez, dahil sa pagpasok
ng lean months ng ating bansa ngayong Hunyo.
Sa pagtutok naman ng DXVL News sa pamilihang bayan ng
Kabacan, sinabi ng mga nagbebenta ng bigas na nasa sampung piso ang itinaas sa presyo
ng kada sako ng bigas ngayon.
Bunsod umano ito ng pagtaas din ng milling fee at dahil
na rin sa hindi pa anihan sa ngayon.
Nagyon pumapalo na sa mahigit P1,900.00 ang halaga ng
kada sakong RC-18, KAWILAN, V-55, MATATAG at M-3 na tumaas ng sampung piso ngayong linggo. Sa kabila nito, nananatili pa
rin sa 40 ang bentahan sa kada kilo nito.
Ang V-64 naman na dating P1,940 kada sako ay sampung
piso rin ang itinaas. Ibig sabihin sa ngayon, naglalaro ang presyo nito sa
P41.00 bawat kilo.
Samantala, ang
presyo naman ng Masipag na nasa P1, 800 kada sako noong nakaraang linggo, ngayon
ay nasa dalawang libo na at nasa 42 pesos kada kilo.
Bagamat at wala pang gaanong Peru pag maubos na umano ang mga ito ay sa mga susunod na araw ay
aasahang tataas ng isang piso ang bawat
presyo ng bigas ditto sa bayan ng kabacan. Allan
Dalo with report from Cynthia Lumogda
0 comments:
Mag-post ng isang Komento