(Matalam, North Cotabato/ June 16, 2014) ---Umaabot
sa 100 residente ang nagsilikas habang isa naman ang napatay makaraang
magsagupa ang armadong grupo ng Moro Islamic Liberation Front (MILF) at Moro
National Liberation Front (MNLF) sa Sitio Mateo, Barangay Manubuan sa bayan ng
Matalam, North Cotabato kamakalawa ng kahapon.
Kinilala ni SPO1 Froilan Gravidez ang
napatay na si Mentato Galangan, 27, habang aabot sa mahigit 100 residente ang
lumikas mula sa kanilang tahanan matapos marinig ang serye ng putukan ng
magkabilang grupo.
Nabatid na pinangunahan ni Kumander Mano
Sandab ang grupo ng MNLF laban sa grupo ng MILF ni Kumander Oscar Matiagal kung
saan umabot sa 20 minuto ang nasabing bakbakan.
Agad namang rumesponde ang
Matalam PNP sa pagpapalikas sa mga residente para hindi madamay sa nagaganap na
bakbakan.
Kasalukuyang nasa Matalam Municipal Gym ang
mga residenteng naapektuhan habang patuloy naman ang pagtulong ng Matalam
Municipal Social Welfare and Development Office. Rhoderick Beñez PSN
0 comments:
Mag-post ng isang Komento