(USM, Kabacan, North Cotabato/ February 5,
2013) ---Humarap sa isang Special Municipal Peace and Order council Meeting
kahapon ng hapon ang representante ng
mga raliyesta at ang kinatawan naman
mula sa panig ng University of Southern
Mindanao sa ipinatawag na pagpupulong ni Kabacan Mayor George Tan.
Ito para mapag-usapan ang lumalalang
sitwasyon sa Unibersidad.
Sa nasabing pagpupulong kumakatawan sa panig
ng USM sina USM Security Services and Management Bebot Moneva at Director
Orlando Forro.
Inihayag ng mga ito ang sitwasyon ng USM
simula ng mag-umpisa ang kilos protesta noong Enero a-katorse kungsaan patuloy
pa rin na ipinapatupad ng mga ito ang maximum tolerance.
Nanguna sa nasabing MPOC meeting sina
Kabacan Mayor George Tan at Acting vice Mayor Jonathan Tabara.
Una na ring binuo ng LGU ang panel na
magrerepresenta sa bawat kampo na tinawag na tripartite negotiations kungsaan
sa kampo ng mga raliyesta dinaluhan ito ni Mr. William dela Torre ng Coalition
for Transparency & Good Governance at mga students lider na sina USG-Senate
Pres Kathleen Costes at Kabataan Partylist Spokesperson Darwin Rey Morante.
Bagama’t hindi pa tuluyang natuldukan sa
nasabing pag-uusap ang gusot sa Pamantasan.
Iginigiit naman ng Council ang isang
resolusyon para ma-fast track o magpapabilis sa mga dokumentong inihain ng mga
raliyesta sa Ombudsman Mindanao hinggil sa mga akusasyon isinampa ng mga ito
kontra kay USM Pres. Dr. Jesus Antonio Derije.
Una dito, dapat ay mabigyan din ng kopya ang
council ng bilang ng mga kaso ng Pangulo at kung sinu ang nagsampa ng kaso.
Inihayag ng mga raliyesta sa harap ng mga
kasapi ng MPOC na nag-ugat ang nasabing rally sa mga anomalyang kinasasangkutan
ng Pangulo sa pagbili ng sasakyan na furtuner, X-ray Machine, pag-purchase ng
Camera at Pistol at iba pa, ito ayon sa estudyanteng lider na si Costes.
Pero sa kabila ng negosasyon, sinabi ng mga
raliyesta na hindi sila titigil hangga’t di nila mapapababa sa pwesto ang
Pangulo.
Napagkasunduan sa nasabing pagpupulong na
kapwa gagalangin ng bawat isa ang karapatan ng mga raliyesta na magsagawa ng
kilos protesta at wag ding pagkakaitan ng karapan ang mga estudyanteng
makapasok sa USM na makapag-aral at wag ng isara muli o iparalisa ang operasyon
na USM na kapwa, sinang-ayunan ng bawat kampo.
Kahapon ng umaga, nagsagawa ng motorcade ang
mga raliyesta kasama ang mga tricycles sa loob ng USM at sa mga pangunahing
kalye ng Poblacion Kabacan, ito para pakikipag-isa nila para sa pagkalampag sa
administrasyon.
Nagsagawa din ang ilang mga estudyanteng
raliyesta ng candle lighting sa lugar ng kanilang pinagdarausan ng kilos
protesta kagabi. (Rhoderick Beñez)
0 comments:
Mag-post ng isang Komento