(Matalam,
North Cotabato/ February 5, 2013) ---Kritikal ang isang 58 anyos na Misis
matapos umano itong saksakin ng kanyang asawa noong araw ng Linggo dakong alas
8:35 ng gabi sa bayan ng Matalam, Noth Cotabato.
Kinilala
ang biktimang si Panchita Diaz Panoncio, maybahay at ang suspek naasawa ng
biltoma na si Elpidio Panela Panoncio, 62 anyos, retired AFP na parehong
residente ng Purok Anthorium sa bayan ng Matalam.
Ayon
sa inisyal na imbestigasyon ng Matalam PNP, bago maganap ang insidente masayang
nagcha-chat pa umano ang biktima sa kanyang mga anak gamit ang laptop computer
sa loob ng kanilang kwarto at nang dumating na nga ang asawa ng biktima na
pinaniniwalaang lulong sa alak ay nagkaroong umano sila ng pisikal na pagtatalo
na nauwi sa pananaksak ng suspek na si Elpidio sa kanyang maybahay na si
Panchita.
Nagtamo
ng isang saksak sa kaliwang bahagi ng noo ang biktima na agad namang isinugod
ito ng kanyang apo sa Kidapawan Medical Specialist kung saan ay idineklara na
itong dead on arrival.
Narekober
naman sa pinangyarihang insidente ang isang round bar na ginagamit sa pagkabit
ng kurtina na pinaniniwalaang ginamit ng suspek sa pananaksak sa biktima.
Sa
ngayon naghihimas na ng malamig na bakal sa rehas ng Matalam PNP ang suspek sa
nangyaring insidente. Randy Yap, DXVL News
0 comments:
Mag-post ng isang Komento