(Kabacan, North Cotabato/ February 5, 2013)
---Abot sa 130 na mga motorsiklo na may paglabag sa iba’t-ibang traffic rules
ang ngayon ay naka-impound sa Kabacan Municipal Police Station sa isinagawang
operasyon lambat bitag.
Ayon kay Supt. Leo Ajero, hepe ng Kabacan
PNP ang nasabing hakbang ay bahagi ng kanilang pinaigting na checkpoints para
madakip ang mga kolurom at ang mga carnap o nakaw na sasakyan.
Nanguna sa nasabing lambat bitag ang mga
police personnel bilang augmentation sa pwersa ng Kabacan PNP mula sa istasyon
ng pulisya sa North Cotabato katuwang ang Cotabato Police Public Safety
Company.
Maaga pa kahapon ay binantayan ng mga ito
ang mga pangunhaing kalye ng Kabacan.
Sinabi ni Ajero na dumating na rin kahapon
ng madaling araw ang kahilingan ni Cotabato Police Provincial Director S/Supt.
Danilo Peralta na isang Platoon ng augmentation na pulis para sa Kabacan na
magtitiyak sa seguridad ng paligid ng USM at ng bayan.
Ang isang kompanya ng pulis ay galing sa
Police Regional Office 12 na ipinadala ng bagong regional Director lulan ang
mga anti-riot equipments.
Aminado kasi ang opisyal na kulang ang
kabuuan pwersa ng pulis, ito dahil sa Kabacan ay isang pulis katumbas ng 2, 505
mga mamamayan.
Dapat aniya ay 1:1000 o isang pulis sa bawat
1000 katao. (Rhoderick Beñez)
0 comments:
Mag-post ng isang Komento