(Kidapawan City/May 5, 2012) ---Aasahan
na daw ngayong linggo na maipalabas ang tseke para sa street lighting project
ng Kidapawan City.
Ito ang napag-alaman mula kay Kidapawan
City LGU Budget Officer Alex Pana kungsaan personal na tinungo ang opisina ng
Department of Energy o DoE noong Huwebes upang i-follow up ang naturang pondo.
Ayon kay Pana, naka-voucher na ang
pondo at pirma na lamang ng mga DoE officials ang kailangan upang mailabas na
ang tseke.
Mismong si DoE Undersecretary
Patricia Asirit ang nagbigay ng katiyakan sa Kidapawan LGU sa release ng
naturang pondo.
Paliwanag ng DoE, ang pondo na
nagkakahalaga ng P4.5 million ay kinuha nila mula sa kinita ng national
government mula sa power industry.
At bilang host ng power sources,
kasama umano ang Kidapawan City sa mga mabibiyayaan ng mga proyektong nagmumula
sa naturang pondo.
Noon pang Disyembre hinintay ng
Kidapawan City LGU ang pondo.
Kapag nai-download na ang pondo,
maaaring simulan na ang paglalagay ng mga poste at ilaw sa highway ng Kidapawan
City – mula Landmark sa boundary ng Kidapawan City at Makilala patungo ng
Barangay Lanao.
0 comments:
Mag-post ng isang Komento