(Kabacan, North cotabato/May 11, 2012) ---Gagawin
sa Kabacan Pilot Elementary School at USM Annex dito sa bayan ng Kabacan sa May
13-17 ang Mass Training sa lahat ng mga grade 1 teachers sa buong Rehiyon dose.
Ito ayon kay Kabacan Pilot Elementary School
Principal Annie Roliga bilang paghahanda ng mga ito sa ipapatupad na K+12 ng
Department of Education.
Ayon sa opisyal, dadaan muna sa Preschool o
kindergarten ang isang bata bago papasok sa Grade 1.
Sinabi pa nito na madadagdagan ang no. of
School year ng mga estudyante sa ilalim ng K+12.
Paliwanag pa ni Roliga na ang ibig sabihin
ng K+12 ng DEPED ay anim na taon sa elementarya, apat na taon sa Highschool at
ang dagdag na dalawang taon sa Junior High School.
Dagdag pa nito na hindi rin maaring
makapag-enroll sa College ang isang estudyante kapag di dumaan sa Junior High
School.
Sa Junior High School, ayon kay Roliga, dito
huhubugin ang angking galing at talento ng mga bata sa mga technical/vocational
courses upang magiging handa ang mga ito sa trabaho sakaling di makapagpatuloy
sa kolehiyo ang mga ito. (Rhoderick Beñez)
0 comments:
Mag-post ng isang Komento