(Magpet, North Cotabato/May
10, 2012) ---Payo ng isang mataas na opisyal ng Philippine Army sa kanyang mga
tauhan: Kung nais nila makuha ang simpatiya at suporta ng mga mamamayan, lalo
na sa mga lugar na impluwensiyado ng NPA, dapat iwasan nila ang “alak, babae,
at sugal.”
Ayon kay Captain
Ernesto Aguilar, commander ng Bravo Company ng 57th IB, bahagi ng
kanilang ‘peace-building activity’ ang paggawa ng mabuti sa kapwa.
Kaya’t ang mga
abusadong sundalo wala raw puwang sa kanilang batalyon.
Reaksyon ito ni
Aguilar sa mga puna na ang presensiya ng mga sundalo sa isang malayong barangay
sa bayan ng Magpet, North Cotabato ay nagdulot ng takot at pangamba sa mga
mamamayan.
Ayon kay Aguilar, kung
ang mga sundalo ay gumagawa ng mabuti at tama sa komunidad, magiging matibay
ang suporta ng mga residente sa kanila.
Ipagtatanggol rin sila
ng mga mamamayan kung ang mga sundalo modelo ng kagandahang-asal.
0 comments:
Mag-post ng isang Komento