(Kabacan,
North Cotabato/May 9, 2012) ---Sa kulungan ang bagsak ng dalawa katao makaraang
maaresto ng Kabacan PNP dahil sa pag-dadala ng baril alas 9:45 ng gabi nitong
Lunes.
Nanguna
sa pag-aresto si Supt. Raul Supiter, hepe ng Kabacan PNP sa dalawang mga
suspetsado na sina Dino Dacara Pagatpatan, 33, residente ng brgy. Manongol,
Kidapawan City kasama ang driver nito na nakilalang si John Miclat Hamdan, 32,
residente ng brgy. Sudapin ng nabanggit na lungsod.
Batay
sa report, naispatan umano ang dalawa sa Purok Chrislam, tinaguriang “drug den”
sa Kabacan na may salukbit na baril.
Mabilis
namang rumisponde ang mga pulisya at hinabol ang dalawa papunta ng Zamora St.,
pero sa National Highway na sila nahuli.
Kapwa
inilagay sa kustodiya ng Kabacan PNP ang dalawa dahil sa paglabag sa P.D. 1866
o illegal possession of firearms.
Bigo
rin umanong makapag-presinta ng kaukulang dokumento ang mga ito.
Narekober
mula sa posisyon at kustodiya ni Pagatpatan ang .45 na caliber pistol at mga
walong bala sa magazine ng nasabing armas.
Bukod
sa nabanggit, narekober din sa mga ito ang gamit nilang motorsiklo na may plate
# 6007 na agad namang dinala sa himpalan ng pulisya para sa tamang disposasyon.
(Rhoderick Beñez)
0 comments:
Mag-post ng isang Komento