(Kidapawan
City/May 9, 2012) ---Sa halip maglagalag
ngayong summer, mas pinagtuunan ng pansin ng higit sa 200 mga kabataan, ilan sa
kanila out-of-school youth, ang pagtatanim ng seedling ng goma sa mga bakanteng
lote ng mahihirap na eskwelahan sa Kidapawan City.
Tinawag
nila ang kanilang grupo na, “Mindanao Youth Peace Builder.”
Noong
Sabado, abot sa 200 seedling ng goma ang kanilang itinanim sa bakanteng lote ng
Ginatilan Elementary School, isang malayong eskwelahan sa Kidapawan City na
nasa paanan ng Mount Apo.
Ito
na ang pang-sampung eskwelahan sa lungsod na nataniman nila ng mga seedling ng
goma, simula pa taong 2011, na ang bilang ay abot na sa 1,500.
Ayon
kay Ana Fe Villarosa, presidente ng grupo, magsisilbing income-generating
project ng mga eskwelahan ang naturang puno ng goma.
Sa
loob lamang ng limang taon, puwede nang makakuha ng dagta mula sa naturang mga puno
at ibenta sa mga planta ng rubber.
Ang
anumang kikitain raw sa puno ay gagamitin para pambayad sa tuition at
miscellaneous fees ng naturang mga eskwelahan.
Sa
ganito’ng paraan, malilibre ang ilan sa mga mag-aaral ng mga gastusin nila sa
eskwelahan.
Suportado
ni Kidapawan City councilor Lauro Taynan at mga opisyal ng barangay ang hakbang
ng youth peace builders.
Katunayan,
ang seedling at ang transportation cost sa pagdadala ng naturang mga tanim ay
inako ni Taynan, ayon kay Villarosa.
0 comments:
Mag-post ng isang Komento