(Kabacan,
North Cotabato/May 4, 2012) ---Sugatan ang isang sundalo makaraaang masangkot
sa isang vehicular accident sa National Highway, Brgy. Katidtuan, Kabacan, Cotabato
dakong alas 4:30 kahapon ng hapon partikular sa harap ng Presto ricemill.
Batay
sa report ng Kabacan traffic Police sangkot sa nasabing vehicular accident ang
isang kulay asul na Honda XRM na may plate number MO 1069 na minamaneho ni Sgt.
Guiawali Guiamalon, member ng Charlie Coy 57IB, Philippine Army at residente ng
Bagua 2, Cotabato City.
Sa
inisyal na pagsisiyasat ng mga otoridad lumalabas na habang binabaybay ng
sundalo ang kahabaan ng National Highway ng aksidente nitong mabangga ang isang
kulay itim na Kawasaki Bajaj na mayplate number 6445 YV na pag-mamay-ari ni
Jenry Estares residente ng Brgy. Marbel, Matalam, Cotabato.
Nabatid
ng mga otoridad na walang mga driver’s license ang dalawang nagmamaneho at
nakuha naman mula sa nasabing sundalo ang .45 na armas, kungsaan bigo namang
makapagbigay ng kaukulang dokumento si Guiamalon dahilan kung bakit kinumpiska
ang armas nito.
Kapwa
nagtamo ng sugat ang driver kasama ang mga angkas nito na kinilalang sina Nempa
Besas at Clyza Besas, anim na taong gulang na mabilis namang isinugod sa
Kabacan Doctors and Polymedic Hospital.
Sa
ngayon iniimbestigahan na ng mga otoridad ang nasabing insedente. (Rhoderick Beñez)
0 comments:
Mag-post ng isang Komento