Ilang mga konsumedures ng Cotelco umalma dahil mataas pa rin ang bill sa singil sa kuryente sa kabila ng mahabang brown-out; Cotelco nagpaliwanag

(Kabacan, North Cotabato/May 2, 2012) ---Sa kabila ng mahabang brown-out na nararanasan sa mga service area ng Cotabato Electric Cooperative o Cotelco, inaasahan na ng mga konsumedures ang pagbaba ng bill sa singil ng kuryente ngayong buwan.

Pero imbes na bumaba, reklamo ng ilan na ganun pa rin ang halaga na kanilang babayaran.

Ayon kay Ginang Marivic Jumuad, residente ng 2^nd Block Villanueva, hindi rin umano bumaba ang babayaran nito sa bill sa kuryente ngayong buwan kahit pa man umaabot ng walong oras na di nito nagagamit ang serbisyo ng kuryente.

Paliwanag naman ng pamunuan ng Cotelco na ang bill na natanggap ngayong buwan ng Abril ay kasama pa umano ang mga nakonsumo na kuryente nitong buwan ng Marso.

Kaya naman ayon kay Cotelco Spokesman Vincent Lore Baguio, na posibleng mamarka ang April billing sa buwan ng Mayo at doon na malalaman kung bumaba nga ba ang singil ng kuryente dahil sa kasagsagan ng ipinapatupad na rotational brown-out sa mga service area ng cotelco. (Rhoderick Beñez)