Seguridad sa Terminal ng Kabacan, pinaigting ng mga otoridad

Kabacan Terminal Complex

(Kabacan, North Cotabato/May 2, 2012) ---Tiniyak ngayon ni Supt. Raul Supiter, ang bagong talagang hepe ng Kabacan PNP na nagpapatuloy ang kanilang pagbabantay lalo na sa Kabacan Terminal complex dahil sa mataas na banta ng bomb threats sa bahaging ito ng Mindanao.

Una naring ipinag-utos ni P/SSupt. Cornelio Salinas, Cotabato Police Provincial director ang pagsisiyasat sa mga bagahe na papasok o palabas ng mga terminal upang di makalusot ang mga improvised Explosive Device I IED na siyang ikinakarga sa mga sasakyan partikular na sa mga bus.

Sinabi pa ni Supiter na maliban sa mga police Personnel na nakabantay sa lugar ay may mga CVO at mga BPAT naman na tumutulong sa pagmonitor sa terminal araw-araw.

Aminado naman ang opisyal na kulang ang kanyang tauhan para bantayan ang buong lugar.

Bagama’t may mga natatangap itong mga intelligence report hinggil sa diumano’y mga ipapakalat na improvised Explosive Device, pinawi naman ang pangamba ng mamamayan at sa halip ay pinayuhan din nito ang publiko na maging vigilante at agad ireport sa kinauukulan ang anumang mga hinininalang bagay o tao. (Rhoderick Beñez)