(Kabacan,
North Cotabato/April 30, 2012) ---Hindi na umabot ng kanyang kaarawan bukas ang
magta-tatlong taong gulang na bata, makaraang malunod sa fishpond dakong alas
3:30 ng hapon nitong Biyernes sa isang bulubunduking lugar sa brgy. Dagupan,
Kabacan, Cotabato.
Ayon
sa report ng pinagkakatiwalaang source, kinilala ang bata sa pangalang Lovely
Joy Mibalo, residente ng nabanggit na lugar.
Isinama
umano ng ina nito ang bata papunta sa kanilang kubo malapit sa fishpond upang
manghuli ng isdang paninda.
Pero,
bigla nitong iniwan sa Lovely Joy na nag-iisa sa kubo upang mag-CR.
Matapos
mag-CR na kita nito ang isang kambing na di makaalis matapos matali ng mahigpit
sa halamanan.
Dahilan
kung bakit nito kinalagan ang nasabing hayop at naging rason kung bakit
natagalan itong bumalik sa nasabing kubo.
Pagbalik
ng ina, gumulantang sa kanya ang lumulutang na katawan ni Lovely sa fishpond.
Mabilis
namang isinugod ang bata sa USM Hospital subalit, ideneklara na itong dead on
arrival ng mga attending physician. (RB ng Bayan)
0 comments:
Mag-post ng isang Komento