(Kabacan, North Cotabato/ August 11, 2015)
---Posibleng matatagalan pa bago muling maibalik ang serbisyo ng street lights
sa Poblacion ng Kabacan.
Ito dahil sa may natitira pang utang ang
barangay na abot sa P259,000.00.
Ayon kay Kapitan Mike Remulta sa panayam ng
DXVL News kanyang tinungo ang pamunuan ng Cotabato Electric Cooperative, Inc. o
Cotelco kahapon.
Ang tugon ng kooperatiba, ibabalik ang linya
ng street lights kung mag-MOA ang Barangay at ang Cotelco.
Pero ayon kay Kapitan Remulta, Malabo makapag-MOA
sila sapagkat hindi makakaya ng pondo ng Poblacion ang buwanang bayarin na
P40,000.00.
Napag-alaman na abot sa P600,000 ang utang
ng nagdaang administrasyon sa Cotelco dahilan kung bakit pinutol ng kooperatiba
ang serbisyo ng Street lights.
Dahil sa walang nakalaang pondo ang
kasalukuyang administrasyon ng barangay para sa taong ito na pambayad ng utang
sa street lights, nagpasaklolo ang mga ito sa LGU.
Agad namang nagpalabas ng pondo ang LGU na
abot sa P300,000.00.
Ang nasabing halaga ay hindi sapat upang
maibalik ang street lights, ayon kay Kapitan Remulta. Rhoderick Beñez
0 comments:
Mag-post ng isang Komento