(Kabacan, North Cotabato/ August 10, 2015)
---Naiuwi ng isang 11-anyos na Math Wizard na tubong Kabacan, North Cotabato
ang second place sa katatapos na math Olympiad na isinagawa sa Hangzhou, Zhejiang,
China kamakalawa.
Isa si Janna Michaella Oliva ng Precious
International School of Davao ang nakakuha ng 2nd place sa
individual category ng nasabing patimpalak.
Si Oliva ay grade 5 pupil ng nasabing
paaralan at anak ni Sir Jun Oliva at apo ni dating USM President Virgilio
Oliva.
Malaking karangalan hindi lamang sa Kabacan
kundi maging sa buong bansa ang nakamit ni Janna.
Suportado naman ng kanyang pamilya si Janna
at balak nitong kumuha ng kursong may kinalaman sa matematika sa pagkolehiyo
nito, ayon kay Sir Jun Oliva, ang ama ni Janna.
Napag-alaman na ang Pilipinas ay nasa second
place sa over-all ranking nito kungsaan nakakuha ito ng 7 gintong medalya, 24
ng silver medal at 38 na bronze medal.
Nanguna ang China sa nasabing competition
sinundan ng Pilipinas, Hongkong, Thailand at Macau.
Agad namang nag-paabot ng kanyang pagbati si
Simon Chua, president of the Mathematics Trainers Guild Philippines (MTG) sa
lahat ng mga elementary students buhat sa Pilipinas sa nasabing tagumpay na
natamo. Rhoderick Beñez
0 comments:
Mag-post ng isang Komento