7 mga barangay sa Tulunan nabiyayaan ng 14M infra projects

(AMAS, Kidapawan City/ August 10, 2015) – Abut-abot ang pasasalamat ng mga opisyal at mga residente ng 7 barangay sa munisipyo ng Tulunan, Cotabato  matapos ang  sunod-sunod na turnover of projects kahapon.

Kabilang sa naturang mga barangay ang Tuburan, New Panay, Bagumbayan, F. Cajelo, New Culasi, Bunawan at Damawatu  na  nabigyan ng  tig-iisang covered court.

Abot sa P2M ang halaga ng kada covered court o kabuuang P14M na pinondohan ng national government sa inisyatiba ng Trade Union   Congress of the Philippines o TUCP at ng Provincial Government of Cotabato  bilang  project   implementer.

Mismong si Cot Governor Emmylou “Lala” J. Taliño-Mendoza ang nanguna sa  turnover ng naturang mga proyekto kung saan pormal na  tinanggap ng mga  local officials  ang mga covered courts sa kani-kanilang barangay kasama ang kanilang mga konstituwente.

Ayon kay Gov Taliño-Mendoza, naisakatuparan ang mga proyekto  dahil sa maayos   at mahusay  na koordinasyon at kooperasyon  ng Provincial Government of Cot, TUCP at ng national government.

Layon ng  gobernadora na  makapagpatupad  pa ng karagdagang mga proyektong   imprastruktura mula sa pondo  ng  provincial government at  sa tulong na rin ng TUCP.

Kasama ni Gov Taliño-Mendoza sa turnovers ng mga covered court si 3rd District of  Cotabato Representative Jose “Ping”  Tejada na katuwang sa pagpapatupad ng iba’t-ibang proyekto sa mga barangay.

Kasama din sa turnover sina 3rd District of Cot Board Members Jomar Cerebo at Ivy Dalumpines na nagpahayag ng pasasalamat sa gobernadora at sa kongresista dahil sa pagsisikap na mapaunlad ang distrito.

Nagpahayag din ng taus-pusong pasasalamat ang  mga chairman ng 7 barangay na kinabibilanganb  nina Crispin Fajurano ng Barangay Tuburan,  Oscar Silvestre, Sr. ng  New Panay, Ricardo Herosa ng Bagumbayan, Lamberto Porlas, Jr. ng F. Cajelo, Eliezer Ventura ng New Culasi, John Gregorio ng New Bunawan at Rudy f. Pagdatu ng Damawatu.

Nagkakaisang ipinahayag ng mga ito na tunay na kapaki-pakinabang ang mga proyektong ipinagkaloob sa kanila ni Gov Taliño-Mendoza at pinasalamatan ang gobernadora sa pagsisikap nitong maibigay mga makabuluhang proyekto sa ngalan ng “Serbisyong Totoo”. (JIMMY STA. CRUZ-PGO Media Center)