AMAS,
Kidapawan City (Aug 10) – Abot sa P13.1M na infrastructure projects ang tinanggap
ng apat na barangay sa Pres. Roxas at tatlong barangay sa Magpet sa sunud-sunod
na turnovers noong August 9, 2015.
Sa Pres Roxas, kabilang ang Barangay
Kimahuring na nabiyayaan ng isang P600,000 na multi-purpose building; Barangay
F. Cajelo, Sagcungan at New Cebu na nabigyan ng tig-iisang covered court na
nagkakahalaga ng P2M bawat isa.
Samantala, sa Magpet, kabilang ang Barangay
Doles na nabigyan ng P500,000 water system at covered court na nagkakahalaga ng
P2M; Alibayon at Tagbac na nabigyan din ng covered courts na tig-P2M ang halaga
bawat isa.
Mula sa pondo ng Provincial Government of Cot
ang ginamit sa multi-purpose building at water system habang nagmula naman sa
pondo ng national government at sa inisyatiba ng Trade Union Congress of the
Philippines ang lahat ng mga covered courts.
Abot sa P13.1M ang kabuuang halaga ng
naturang mga proyekto.
Ang projects turnovers sa Pres Roxas at
Magpet ay ginawa isang araw matapos ang turnover sa Tulunan noong August 8, 2015
kung saan pitong mga barangay ang nabigyan ng P14M halaga ng mga covered
courts.
Sa kanyang mensahe, sinabi ni Gov Emmylou
“Lala” J. Taliño-Mendoza na layon ng kanyang administrasyon na maipatupad ang
mga proyektong angkop sa pangangailangan ng mga tao tulad na lamang ng mga water
systems, electrifications, infrastructures, health at marami pang iba.
Kasama ng gobernadora sa turnover sina 2nd
District of Cotabato Board Members Airene Claire Pagal, Cris Cadungon at Noel
Baynosa at mga Municipal Mayors na sina Jaime Mahimpit ng Magpet at Florenito
Gonzaga ng Magpet at mga barangay officials.
Ipinahayag naman ng mga local officials na
malaki ang ginhawang dulot ng mga proyekto sa kanilang mga barangay dahil
natugunan nito ang ilan sa mga pangunahing pangangailangan.
Patunay rin daw ito na ang adbokasiya ng
“Serbisyong Totoo” ay konkreto, nakikita at nararamdaman ng bawat mamamayan . (JIMMY
STA. CRUZ-PGO Media Center)
0 comments:
Mag-post ng isang Komento