(Carmen, North Cotabato/ August 10, 2015)
---Natagpuang wala ng buhay ang isang 19-anyos na dalaga matapos na
pinaniniwalaang nagbigti sa sariling silid nito sa kanilang bahay sa Purok 3,
Barangay General Luna, Carmen, North Cotabato ala 1:00 ng hapon nitong Sabado.
Sa report na nakarating kay PCI Bernard
Tayong, ang tagapagsalita ng Cotabato Police Provincial Office kinilala ang
biktima na si April Rose Jimenez, 19-anyos, graduating HRM student ng USM at
residente ng nasabing lugar.
Ang biktima, ayon sa report ay anak ng
dating brgy. Kapitan sa nasabing lugar.
May lumalabas na ulat na sa kapitbahay ng
biktima namatay si April Rose, dahil ang paalam nito ay gagawa daw sila ng
thesis niya.
Napag-alaman pa mula sa Cotabato Police Provincial
Office o CPPO nakita na lamang ng kanyang mga kapamilya si April Rose na wala
ng buhay matapos na nagbigti ito gamit ang lubid habang nasa ilalim nito ang
isang mono block chair na ginamit nito bago nagpakamatay.
Nagawa pa nitong mag-selfie na may lubid sa
leeg nito, bago nangyari ang insidente, ayon sa ilang mga ebedensiya na nakuha
sa cell phone nito.
Patuloy pa ngayon ang ginagawang
imbestigasyon ng Carmen PNP kung may foul play sa pagkamatay ng biktima. Rhoderick Beñez
0 comments:
Mag-post ng isang Komento