(Magpet, North Cotabato/ July 30,
2015) ---Patuloy ngayon ang ginagawang imbestigasyon ng mga otoridad sa
pagpatay sa isang lolo sa loob ng internet café sa palengke ng Poblacion,
Magpet, North Cotabato kahapon.
Sinabi ni PSI Felix Fornan, hepe ng
Magpet PNP, na robbery ang isa sa mg angulong sinusundan nila matapos na
matangay ang ilang mga gamit at pera ng 60-anyos na si Isidro Vesillas Alpas.
Sa imbestigasyon ng pulisya tadtad ng
taga at saksak ang katawan ng biktima na posible namang nanlaban ito sa
pinaniniwalaang dalawa hanggang limang mga suspek.
Ayon kay Fornan wala rin silang
nakitang sapilitang pagbukas sa nasabing shop kaya naniniwala silang kakasarado
palang ng biktima sa shop nito at posibleng hating gabi nangyari ang krimen.
Una rito pasado alas kwatro ng
madaling araw kahapon ng matanggap ng Magpet PNP ang report mula sa isang
concerned citizen na nagtitinda rin sa loob ng palengke.
0 comments:
Mag-post ng isang Komento