(Kabacan, North Cotabato/ July 30,
2015) ---Puspusan na ngayon ang paghahanda ng LGU ng bayan ng Kabacan hinggil
sa paparating na ika-68 taong pagkakatatag ng bayan.
Ayon kay Kabacan Mayor Herlo P.
Guzman Jr. sa panayam ng DXVL News Team, kanyang inihayag na kaabang-abang
umano ang selebrasyon ngayong taon.
Anya, tampok umano sa nasabing
aktibidad ang pagdating ng ilang mga artista na sina Jessica Parkwer, Jordan
Herrera at Aaron Villaflor.
Aabangan din umano ng mga kabataan sa
anibersaryo ang pagdating ng bandang “CUESHE”.
Marami rin umano nakahilerang
aktibidad na gagawin sa nasabing selebrasyon kaya na laman ng Burn d Floor
(Hiphop Dance Competition) Motocross Competition, Teacher’s Day, Barangay Day
at marami pang iba na siguradong ikalulugod ng mga manunuod.
Nakalatag narin umano ang mga
security plans at security measures sa nasabing aktibidad upang masiguro ang
kaligtasan ng mga dadalo hindi lamang ang mga Kabaceños kundi pati na rin
ang mga karatig bayan na gustong makisaya at makiisa sa selebrasyon.
Nanawagan naman ang alkalde sa lahat
ng mga security groups at personnel pati narin sa mga mamamayan na
makipagtulungan sa mga otoridad upang mapanatili ang kaayusan sa kasagsagan ng
aktibidad.
Nanawagan din ang opisyal sa mga
Kabaceños at mga taga karatig bayan na makisaya sa 68th Founding Anniversarry ng bayan
ng Kabacan na magsisimulan sa August 13 hanggang August18, 2015. Mark Anthony Pispis
0 comments:
Mag-post ng isang Komento