(Tulunan, North Cotabato/ July 30,
2015) ---Patay ang isang magsasaka matapos tambangan ng mga armadong
kalalakihan sa Sitio Malipayon, Brgy. Maybula, Tulunan North Cotabato pasado
alas sais ng umaga kahapon.
Kinilala ni Ins. Rolando Dillera,
hepe ng Tulunan PNP ang biktima na si Regie Alinsugay, 32-anyos may asawa na
residente rin nabanggit na lugar.
Ayon kay Dillera naglalakad lamang
ang biktima papunta sa kanyang sinasakang lupa pero pagdating nito sa bahagi ng
LOT # 159 bigla na lamang lumabas ang limang mga suspek at pinagababaril ang
biktma gamit ang matataas na kalibre ng armas.
Sibukuan pang tumakbo ng biktima pero
hinabol siya ng mga suspek at dito na binawian ng buhay.
Mabilis naman tumakas ang mga suspek
matapos ang krimen.
Narekober naman sa crime scene ang 16
na mga empty shell ng M16 Armalite Riffle at dalawang basyo na mula sa isang
garand riffle.
Ayon kay Dillera ilang mga magsasaka
raw ang nakasaksi sa krimen na hinihikayat naman nitong magbigay ng formal
affidavit para magamit na ebidensya laban sa mga suspek.
Inaalam pa ng mga otoridad kung
awayan sa lupa ang motibo sa krimen dahil nangyari umano ang insidente sa
conflict area na matagal ng issue sa lugar.
0 comments:
Mag-post ng isang Komento