(Kabacan, North Cotabato/ July 30,
2015) ---Sumakabilang buhay na ang dating Business Development Assistant ng
DXVL KOOL FM matapos na inatake sa puso.
Agad na isinugod sa Kabacan Polymedic
Cooperative Hospital, Poblacion, Kabacan, Cotabato ng kanyang mga pamilya si
Philip Andrew Garcia o mas kilala sa tawag na ‘Cadz’ ngunit tuluyan na itong
namatay bandang alas 3:05 ngayong hapon lamang.
Si Philip Andrew Garcia ay pumanaw sa
edad na 39-anyos dahil sa kumplikadong sakit na kanyang dinaramdam.
Ayon kay dating USM Prof. Flora May
Garcia, ina nito na nakaramdam umano ng paninikip ng dibdib si ‘Cadz’ dahilan para
kanilang isugod sa bahay pagamutan.
Habang nasa Emergency Room ay kanyang
bukang bibig si Budie ang kanyang nag-iisang anak, na hindi na daw ito maabutan
ni Budie ng buhay, hanggang sa nalagutan na ito ng hininga.
Nakatakda sana itong dalhin bukas sa
Davao city para sa kanyang regular na gamutan.
Para kay Mam Flora, isang mabait at
maalagang anak si Cadz.
Naulila ni Cadz ang kanyang
nag-iisang anak na si Budie at mga kapamilya nito at mga kaibigan.
Si Philip Andrew ay panganay na anak
nina Mr. and Mrs. Garcia at ipinanganak noong Enero 26, 1976.
Nagsilbi rin ito ng ilang taon bilang
Radio Jock sa KOOL FM naging screen name nito ang ‘Ice Man Johnny’ at humawak
ng Sales and Marketing Department ng DXVL. Rhoderick
Beñez
0 comments:
Mag-post ng isang Komento