(Kabacan, North cotabato/ July 30,
2015) ---Abot sa mahigit sa pitong libung mga mag-aaral sa bayan ng Kabacan ang
sumailalim sa isinagawang National School Deworming Day kahapon.
Ayon kay Cotabato Division Nurse
Joselito David Tabanay, RN layon ng nasabing programa na mababain kung di man
tuluyang mapuksa ang mga bulate sa tiyan ng mga bata sa buong bansa.
Batay sa datos, abot sa 2,068 na mga
pupils mula sa 3,552 na mga mag-aaral nito o katumbas ng 83.50% ang napurga
matapos na mapainum ng deworming tablet ng Department of Health sa Kabacan
North District na binubuo ng siyam na eskwelahan at pinangunahan ni District
Supervisor Adela Neyra.
Nasa 75.02% naman ang nabigyan ng
kaparehong pampapurga ang mga mag-aaral buhat sa Kabacan West na pinangunahan
ng kanilang District Supervisor Efren Mantawil na may 16 na paaralang sakop.
Ayon sa tala ni Health Emergency
Management Staff Honey Joy Cabellon abot na sa mahigit sa 7 libung mag-aaral
ang napainum ng deworming tablet sa Kabacan.
Nagpaabot naman ng kanyang
pasasalamat si Tabanay ng mga guro, clinic teachers, School Heads ng Kabacan
North and South District at sa RHU Kabacan na pinangunahan ni HEMS Cabellon
dahil sa matagumpay na aktibidad kahapon kaugnay sa National School Deworming
Day. Rhoderick Beñez
0 comments:
Mag-post ng isang Komento