(Kidapawan City/ July 31, 2015) ---Dalawang pulis ang
naiulat na nagpositibo sa isinagawang drug test sa mga miyembro ng Kidapawan
City PNP.
Ito ayon kay Kidapawan City Mayor Joseph
Evangelista sa isinagawang press conference ngayong umaga sa AJ-Hi-time
Kidapawan City.
Hindi muna pinangalanan ng alkalde ang dalawang pulis na
ngayon ay patuloy na iniimbestigahan.
Una na ring pinasisibak sa kanyang pwesto ng pinuno ng
city peace and order council (CPOC) ang isang pulis mataos magbigay ng pekeng
urine sample para sa mandatory drug testing.
Ayon sa ulat, dalawang beses tumanggi si Police Officer
3 Ricky Santos na magbigay ng urine sample.
Hindi umano ikinatuwa ni Mayor Joseph Evangelista, chair
ng city's inter-agency CPOC, ang pagmamatigas ni Santos na pinaniniwalaan
niyang lulong sa shabu.
"Why would this policeman not agree to have himself
tested for drugs? He must be a drug dependent," wika ni Evangelista.
Napilit din ng mga kapwa pulis si Santos na magbigay ng
urine sample, ngunit lumabas sa resulta na patis ang kaniyang ipinasa.
Sa ngayon nasa 80 miyembro ng Kidapawan City Police ang
sumailalim sa mandatory drug testing. Rhoderick
Beñez
0 comments:
Mag-post ng isang Komento