AMAS,
Kidapawan City (July
30) – Nasungkit ni Kezia Esther T. Abal ng Greenfield High School ng Arakan, Cotabato ang First
Place sa katatapos lamang na Disaster Risk Reduction and Management
Extemporaneous Speech Contest ng Provincial Governor’s Office na isinagawa kahapon,
July 29, 2015.
Tinalo ni Abal ang anim na iba pang
high-school students na lumahok sa aktibidad na naglalayong palakasin pa ang
disaster awareness at preparedness sa hanay ng mga mag-aaral at kabataan.
Sa kanyang sagot sa tanong na ano ang
kanyang maitutulong sa pag-unlad ng bansa sa pamamagitan ng disaster
preparedness, sinabi ni Abal na bilang isang mag-aaral, hangad niya ang
kaunlaran para sa bayan at gagawin niya kanyang papel bilang estudyante upang
makatulong.
Dagdag ni Abal, malaki ang papel ng mga
mag-aaral upang ang kanilang mga paaralan at komunidad ay makaiwas sa malaking
pinsala ng kalamidad at magagawa nila ito sa pamamagitan ng pakikiisa at
pakikipagtulungan sa pamahalaan partikular sa mga concerned agencies tulad ng
NDRRMC at iba pa.
Tumanggap si Abal ng P2,000 at Certificate
of Participation mula sa Provincial Government of Cotabato.
Ang iba pang nagwagi ay kinabibilangan nina
Jake Anthony Mosquera, 2nd Place (P1,500); Randalf Empal, 3rd
Place (P1,000) at tig P500 bilang consolation prizes naman ang mga kalahok na
sina Nico John D.Bautista (Kabacan NHS); Ian Juntarciego (Pres.Roxas NHS); Rhoanne
Shyey A. Oregila (Magpet NHS) at Ali Tukuran (Midsayap Dilangalen NHS).
Kabilang sa mga Board of Judges sina
PGO-DRRMD Operations and Warning Chief Designate Arnulfo A. Villaruz, DILG Cot
Local Government Operation Officer II Helen Grace de Justo-Sayon at Dep Ed Cot
Schools Division Administrative Officer V Virgilio A. Ungab bilang Chairman.
Ayon kay PGO-DRRM Designated Officer Cynthia
M. Ortega, ang naturang contest ay bahagi ng obserbasyon ng National Disaster
Consciousness Month ngayong Hulyo kung saan pinalalakas pa ng pamahalaan ang
paghahanda ng bawat sektor sa pagtama ng mga kalamidad.
Malawak naman ang suporta ni Gov Emmylou
“Lala” J. Taliño-Mendoza sa aktibidad at hinikayat ang lahat ng sektor na
makipagtulungan sa disaster preparedness advocacy ng pamahalaan. (JIMMY STA. CRUZ-PGO Media Center)
0 comments:
Mag-post ng isang Komento