(Amas, Kidapawan City/ July 27, 2015) ---Bilang
bahagi ng High Value Crops Development Program ng lalawigan ng Cotabato,
namahagi kamakailan ang Office of the Provincial Agriculturist ng 20,000
dekalidad na UF 18 cacao seedlings para sa 19 na farmer beneficiaries mula sa
mga bayan ng Aleosan, Midsayap, Libungan, Pigcawayan at Arakan.
Ito ay isinagawa matapos ang serye ng mga
trainings on cacao production and management upang maging bihasa sa pagtatanim
ng cacao ang mga magsasaka at upang lumawak pa ang lupaing natatamnan ng cacao
sa lalawigan ng Cotabato, pahayag ni Romulo Pacres, ang Provincial Cacao
Coordinator.
Layon ng pamamahagi ng cacao seedlings na
mabigyan ng dekalidad na planting material ang mga magsasaka upang mapunan ang
kakulangan sa supply ng cacao beans sa pamilihan sa pamamagitan ng maramihang
cacao plantation establishment dito sa lalawigan ayon naman kay Provincial
Agriculturist Eliseo M. Mangliwan.
Laking pasasalamat naman ng mga farmer
beneficiaries na nakinabang sa programang ito ng Pamahalaang Panlalawigan na
bahagi ng Cacao Development Program ng OPA na mapagkalooban sila ng libre at
dekalidad na cacao seedlings na may kaakibat na training on cacao production
and management.
Suportado naman ni Gov. Emmylou “Lala” J.
Taliño-Mendoza ang ganitong inisyatiba ng OPA katunayan isa ito sa mga
programang isinusulong ng kanyang administrasyon sa ilalim ng Serbisyong Totoo
program upang tumaas pa ang produksiyon ng cacao sa lalawigan at magkaroon ng
magandang kita ang mga magsasakang nagtatanim nito. RUEL L. VILLANUEVA
0 comments:
Mag-post ng isang Komento