(Kabacan, North Cotabato/ July 29, 2015) ---Matapos
na maglabas ng sama ng loob sa DXVL News ang isang security guard ng Sugni
Super Store Kabacan Branch sa pagkakatanggal nito sa trabaho.
Ibinunyag ni Rosalie Pareñas ang di
magagandang gawain ng kanyang employer.
Una sa Security Agency na kanyang
pinagtatrabahuan na halos sa kanilang mga kasamahan, kasama na siya ay walang
lisensiya.
Bukod sa walang lisensiya karamihan sa
kanila ay wala pang seminar o training.
Kaugnay nito, panawagan din niya sa pamunuan
ng Sugni Superstore na tugunan ang hindi patas na pagtanggal sa kanya sa
trabaho.
Malaki ang paniniwala ni Pareñas na
posibleng personal na dahilan ang pagkakatanggal nito sa trabaho.
Samantala, nanindigan si Pareñas na ang
manager ng Sugni ang nagpadala ng mensahe sa agency sa Cotabato City para sibakin siya sa trabaho.
Inihayag din ni Pareñas na naakyat na sa Department
of Labor and employment o DOLE ang reklamo nito at magkakaroon umano ng hearing
ang security agency sa Agosto 3.
Samantala, pinasinungalingan din niya ang
sinabi ng manager na pasaway umano siya na gwardiya ng Sugni at ang sinabi ng
manager na on going ang pag process ng lisensya ng 2 gwardiya.
Samantala, una ng itinanggi ng pamunuan ng
Sugni Super Store Kabacan Branch ang lahat ng alegasyon ni Rosalie Pareñas.
Ayon kay Lyndie Tantong ang Manager ng Sugni
Superstore sa panayam ng DXVL News Team, puro kasinungalingan ang mga paratang
ni Parreñas laban sa kanila.
Aniya, hindi umano ang pamunuan ng Sugni
Super Store ang nagpatanggal sa kanya kundi mismong ang Agency ng nasabing
security guard na nakabase sa Cotabato City. Rhoderick Beñez & Christine Limos
0 comments:
Mag-post ng isang Komento