Reklamo hinggil sa mga campaign materials na nakakalat sa daan nakarating na sa Provincial Comelec ng North Cotabato

(North Cotabato/ April 3, 2013) ---Nakarating na kay COMELEC North Cotabato Acting Provincial Supervisor Atty. Kendatu Lagialam ang mga reklamo laban sa mga campaign materials na nakakalat sa daan.

Pero ayon kay Lagialam, wala pang formal complaint na isinampa sa kanyang tanggapan patungkol sa naturang mga reklamo.

Una ng sinabi ni Lagialam na dapat ay sa common posters area lamang dapat ilagay ang mga campaign materials.

Mas magiging mabilis din raw ang aksiyon ng COMELEC North Cotabato kung magsasampa ng pormal na reklamo ang mga mamamayan.

Sinabi rin ng opisyal na alam ng mga kandidato ang mga gawaing  ipinagbabawal sa panahon ng eleksiyon.

Pero nangako naman si Lagialam na aaksiyunan ang mga reklamo laban sa mga nakakalat na posters, tarpaulins at iba pang campaign materials.