(Kabacan,
North Cotabato/ April 2, 2013) ---Carnapping o agaw motorsiklo ang tinitingnang
motibo ng mga otoridad sa pamamaslang sa dalawang magtutuba na natagpuang patay
sa Presto Sugarcane, Brgy. Sanggadong, Kabacan, Cotabato alas 12 ng tanghali
kahapon.
Kinilala ng
Kabacan PNP ang mga biktima na sina Michael Kagot at Tom Gabuyog nasa tamang
edad at tuba vendor kapwa mga residente ng Sitio Liton, brgy. Kayaga ng bayang
ito.
Batay sa
report, tadtad ng saksak ang mga biktima sa iba’t-ibang bahagi ng kanilang
katawan ng matagpuan sa nasabing lugar.
Ilang araw
na rin umanong missing ang mga biktima makaraang matagpuan sa nasabing lugar.
Posible din
umanong tinangay ng mga suspek ang kanilang kulay itim na XRM 110 na walang
plate number dahil wala na ito sa erya ng marekober ang bangkay ng mga biktima.
Kasama sa
mga grupong nagrekober sa dalawang magtutuba sina local monitoring team Jabib
Guiabar at Kapitan Ernesto bigsang.
Sa ngayon,
nasa disposasyon na ng Kabacan PNP ang nasabing kaso habang nagpapatuloy ang
ginagawang imbestigasyon. (Rhoderick Beñez)
0 comments:
Mag-post ng isang Komento