(USM, Kabacan, North Cotabato/ April 5,
2013) ---Matapos bumalangkas ng mga posibleng solusyon ang Municipal Peace and
Order Council ng LGU Kabacan nitong nakaraang linggo hinggil sa nagpapatuloy na
gusot sa University of Southern Mindanao.
Nagpalabas ngayon ng isang “open letter” si
Kabacan Mayor George Tan ng kanyang binuong oversight committee, bilang
chairman para bigyang pansin ang krisis sa USM.
Batay sa mga kumakalat na kalatas ang komite
ay nagbuo ng LGU Kabacan Peace Committee on Oplan;USM kungsaan ang dating
alkalde at may bahay ng punong ehekutibo ang inilagay bilang peace ambassador.
Ito matapos na makuha ng unang ginang
Luzviminda Tan ang parangal bilang awardee ng 2005 Gawad Galing Pook with
Special Citation on Local Peace Building initiatives.
Sa nasabing sulat, nababahala kasi ang
punong ehekutibo sa mga nangyayari sa Pamantasan makaraang nagpapatuloy ang
kilos protesta at ang pagsasara ng mga pangunahing lagusan ng Pamantasan noong
kasagsagan ng rally sa USM.
Aniya, bagama’t walang pinapanigan ang
Pamahalaang lokal ng bayan at ang oversight committee, nais lamang ng alkalde
na maibalik sa normal na sitwasyon ang USM, na siya’ng nagdadala ng sigla sa ekonomiya
ng Kabacan.
Bukod dito, nababahala din ang opisyal na
baka lalala pa ang sitwasyon at posibleng hahantong sa pagsasara ng Pamantasan
o di kaya ay mailipat ang tanggapan ng Pangulo ng USM sa USM Kidapawan kung
magpapatuloy ang gusot sa USM Main campus.
Maliban dito, naniniwala ang opisyal na
malaki ang epekto nito sa ekonomiya ng Kabacan at baka mapag-iwanan din sa
paglago ang bayan.
Kaugnay nito, hinikaya’t ngayon ng alkalde
ang lahat ng mga stakeholders na maging mahinahon, magnilay-nilay at payapaan ang
puso ng sa gayun ay makapag-isip ng mabuti para sa mas mapayapang USM,
mapayapang Kabacan hangad ang kaunlaran habang ang USM ay nasa ilalim ng
pangunguna ni OIC Dr. Teresita Cambel. (Rhoderick Beñez)
0 comments:
Mag-post ng isang Komento