(CPPO, Amas, Kidapawan City/ April 1, 2013)
---Itinatag ngayon ng Cotabato Police Provincial Office ang Oplan Sumvac o
Summer Vacation bilang paghahanda ng hanay ng PNP ngayong summer season.
Ito ang sinabi ni Provincial Director
S/Supt. Danilo Peralta sa panayam sa kanya ng DXVL News.
Aniya matapos ang apat na araw na bakasyon
at paggunita ng Semana Santa, iginiit nitong naging matahimik at matiwasay sa
kabuuan ang probinsiya ng North Cotabato maliban na lamang sa ilang mga pity
crimes.
Sinabi ng opisyal na wala namang mga major
incidents sa probinsiya partikular sa mga lugar na kadalasan nangyayari ang
krimen maliban na lamang sa nangyaring robbery sa bayan ng Makilala at illegal
possession of firearms sa bayan ng Mlang na naireport nitong kasagsagan ng Holy
week, ayon kay Peralta.
Sa ngayon nakabantay naman ang kanilang
highway patrol group sa mga National Highway habang tinututukan din naman ng
kanyang mga tauhan sa bawat Municipal Police Station ang mga terminals na
inaasahang dadagsain ng mga magbabalik trabaho at mga nagsiuwian.
Samantala, binabantayan din ngayon ng PNP
ang mga erya ng Arakan, Magpet, Pres. Roxas at Antipas dahil sa namataan sa
lugar ang presensiya ng New People’s Army o NPA noong kasagsagan ng paggunita
ng Holy week.
Sinabi ni Peralta na naka-full alert ngayon
ang kanyang tropa, bagama’t walang anumang insedenteng nangyari sa natukoy na
lugar. (Rhoderick Beñez)
0 comments:
Mag-post ng isang Komento