(CPPO, Amas, Kidapawan City/ April 1, 2013)
---Umarangkada na nitong Sabado ang unang araw ng pangangampanya sa lokal na
posisyon.
Ngayong araw, magsasagawa ng coordinated
conferences ang kada hepe ng PNP ng munisipyo at Comelec election Registrar sa
bawat bayan para tiyaking maayos, tapat at malinis ang gagawing halalan sa
Mayo.
Ito ang inihayag ni S/Supt. Danilo Peralta,
hepe ng Cotabato Police sa panayam sa kanya ng DXVL News.
Aniya, nitong Miyerkules ay nagkaroon ng
provincial covenant signing na pinangunahan ng mga provincial candidate na
isinagawa sa bayan ng Midsayap.
Ang nasabing covenant signing ay
pinangunahan ni incumbent Governor Emmylou “Lala” Taliño Mendoza at dating Gov.
Emmanuel “Manny” Piñol.
Dumalo din sa nasabing signing sina
Congresswoman Nancy Catamco, Mr. Fernando Sacdalan at ilan pang mga opisyal
kasama na rin dito ang mga Sannguniang Panlalawigan members at candidates.
Samantala, nakatakdang pag-usapan naman
ngayong araw sa gagawing coordinated conferences ang mga common poster area,
omnibus election code at marami pang iba hinggil sa election. (Rhoderick Beñez)
0 comments:
Mag-post ng isang Komento