Masterlist ng mga registered voters ng Kabacan; nakahanda na; botante ng bayan, tumaas

(Kabacan, North Cotabato/ April 9, 2013) --- Handa na ang Commission on Election o Comelec Kabacan para sa nalalapit na halalan sa Mayo a-13, 2013.

Ito ang ginawang pagtitiyak ngayong hapon sa DXVL Radyo ng Bayan ni Kabacan Election Officer Josephine Macapas, ang bagong itinalagang municipal election officer ng bayan.

Aniya, abot sa 40,559 ang kabuuang botante ng Kabacan.

Mas mataas ito kung ikukumpara sa bilang ng mga botante sa nagdaang halalan.

Kaugnay nito, ang mga botante sa 3^rd district ay maghahalal din ng representante buhat sa ikatlong distrito ng probinsiya ng North cotabato.

Ayon sa opisyal kabilang kasi ang Kabacan sa panibagong buong distrito ng probinsiya.

Kasama sa 3^rd District ang M’lang, Tulunan, Matalam, Kabacan at Carmen.

Samantala, nagpaalala din ang election officer na bawal ang hiring ng mga bagong kawani sa ilalim ng Civil Service Commission, ito dahil sa election ban.

Batay sa Comelec Resolution No. 9385, bawal ang appointment o ang paghire ng mga bagong mga empleyado, pagbuo o pag fill-up ng bagong nga posisyon, promotion o kahit pagbibigay ng salary increases, remuneration o prebilihiyo.

Nagsimula ang nasabing prohibited acts mula noong buwan ng Marso a-29 hanggang sa Mayo a-13, 2013 kasabay ng campaign period sa mga lokal na kandidato. (Rhoderick Beñez)