(Matalam, North Cotabato/ April 12, 2013)
---Bagama’t pirmado na ang kontrata ng Cotabato Electric Cooperative, Inc. o Cotelco-PPALMa
sa Therma South, hindi pa rin ito magiging solusyon sa napakahabang rotational
brownout sa service area ng kooperatiba sa kasalukuyan.
Ayon kay OIC General Manager Felix Canja ang
nasabing lagdaan na isinagawa kanina sa Cotelco Main Office sa Manubuan,
Matalam ay bahagi ng kanilang long term solusyon sa kinakaharap na krisis sa enerhiya.
Sinabi pa ng opisyal na ang aprubadong
4megawatts na isusuply ng therma South sa Cotelco-PPALMA ay magagamit sa huling
bahagi ng 2014 o sa taong 2015 pa.
Kaugnay nito, para mabigyan ng solusyon ang
napakahabang rotational brown-out sa mga lugar na sakop ng PPALMA, planu ngayon
ng kooperatiba ang re-marketing sa Therma Marine.
Ibig sabihin nito, anumang matitira buhat sa
power barges ay ireremarket sa Cotelco-PPALMA ito para pang-augment sa power
supply ng kooperatiba.
Sa ngayon umaabot sa 6-8 oras ang brown-out
sa PPALMA, ito dahil sa 3.5 megawatts lamang ang inaibigay na supply sa kanila,
kinakailangan kasi ng Cotelco-PPALMA ng 10megawatts para walang power
interruption sa service area na sakop nila. (Rhoderick Beñez)
0 comments:
Mag-post ng isang Komento