Mahigit 50 mga motorista huli ng Makilala PNP dahil sa paglabag sa mga batas trapiko

(Makilala, North Cotabato/ April 11, 2013) ---MakilalaMahigit limampung mga motorista na ang na-intercept ng Makilala PNP dahil sa iba’t-ibang traffic violations sa unang quarter ng 2013.

Ayon kay Makilala PNP Chief of Police Inspector Rizal Alulod, kabilang sa mga violation ay ang pagbiyahe ng walang suot na helmet, no license plate, driving without license at iba pa.

Pinagbayad raw ng penalty ang mga nadakip na violators, ayon pa kay Alulod.

Maliban rito, ilang mga motorsiklo na rin daw ang kinustodiya ng Makilala PNP dahil sa kuwestiyonable o kawalan ng kaukulang dokumento ng mga nagmamaneho.  

Samantala, maliban sa national helmet act, pinalalakas din raw ng Makilala municipal police ang election gun ban sa mga COMELEC checkpoints sa national highway ng Makilala, dagdag pa ng opisyal.